ЗЦА: Зуны дугуйтай тээврийн хэрэгслийг орон нутгийн замд хөдөлгөөнд оролцуулахгүй

Цас орж халтиргаа гулгаа үүссэнтэй холбогдуулан замын хөдөлгөөнд оролцож буй жолооч та бүхэн цаг агаарын нөхцөл байдал, тээж яваа ачаа, замын зорчих хэсэг гадаргууны байдалд тээврийн хэрэгслийн хурдаа зөв тохируулан замын хөдөлгөөнд анхаарал болгоомжтой оролцохыг зөвлөж байна.

Улсын хэмжээндбүх замуудад халтиргаа гулгаа ихээр үүссэн байгаа тул орон нутгийг чиглэн явах гэж буй тээвэрчид, жолооч та бүхэн тээврийн хэрэгслийн техникийн бүрэн бүтэн байдал, зуны дугуйгаа өвлийн дугуйгаар солих, хамгаалах бүсээр тоноглогдсон тээврийн хэрэгслээр зорчиж байгаа бол хамгаалалтын бүсийг тогтмол хэрэглэж аюулгүй байдлаа сайтар хангаж замын хөдөлгөөнд оролцохыг зөвлөж байна.

Зарим сүүдэртэй байгаа газрын замын цас мөс арилаагүй, хайлсан цас нь оройдоо мөстөж хөдөлгөөний аюулгүй байдалд сөргөөр нөлөөлж байх тул гарч болзошгүй осол хэргээс урьдчилан сэргийлэх зорилгоор зуны дугуйтай замын хөдөлгөөнд оролцож буй жолооч нарын тээврийн хэрэгслийг орон нутгийн замд хөдөлгөөнд оролцуулахгүй байх арга хэмжээг авч хэрэгжүүлэх гэж байгаа ажээ.

2016 оны арваннэгдүгээр сарын 19, 20-ны өдөр Замын цагдаагийн албаны ЖШУХ дээр нийт 853 дуудлага, мэдээ мэдээлэл хүлээн авснаас, зам тээврийн ослын 730 дуудлага бүртгэгдсэнбайна.

Үүнээс гэмт хэргийн шинжтэй гомдол мэдээлэл ес бүртгэгдэж, нэг хүний амь нас хохирч 14 хүн хүнд хөнгөн гэмтэж, нэг хүний амь нас хохирчээ. Согтууруулах ундааны зүйл хэрэглэсэн үедээ зам тээврийн осолд холбогдсон жолооч нэг, явган зорчигч нэг, зам тээврийн осолд сургуулийн насны таван хүүхэд өртсөн байна. Согтуугаар тээврийн хэрэгсэл жолоодсон нийт 52 жолоочийг илрүүлж гарч болзошгүй осол хэргээс урьдчилан сэргийлжээ.

Тухайлбал: СХД-ийн нутаг Найрамдлын зам, Цанын баазын баруун замд марк, улсын дугаар нь тодорхойгүй авто машины жолооч нь явган зорчигч 47 настай эрэгтэй Л-ийг мөргөж амь насыг нь хохироон хэргийн газрыг орхиж явсан.
СХД-ийн нутаг Ханын материалын зам, Өндөр настны автобусны буудлын замд H.Sonata маркийн авто машины жолооч Б нь явган зорчигч 07 настай Ц нарын 3 хүнийг мөргөж гэмтээсэн.
Орон нутагт: Дорноговь аймгийн Алтан ширээ сумаас баруун урагш 50 км-т шороон замд Horth Benz маркийн Н жолоочтой авто машин онхолдож жолооч 57 настай эрэгтэй Н-ийн амь нас хохирсон.

Эх сурвалж: Замын Цагдаагийн Алба