Сонгон шалгаруулалтын урилга /СБСШ-01/2017/

Огноо: 2017 оны 09 дүгээр сарын 08-ны өдөр
Эрүүл мэнд, нийгмийн даатгалын ерөнхий газар: Үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх, хөдөлмөрийн аюулгүй байдал, эрүүл ахуйн сургалт зохион байгуулах Сургалтын байгууллагын сонгон шалгуурлалтад оролцохыг урьж байна.
Сонгон шалгаруулалтын нэр: Нийгмийн даатгалын үндэсний зөвлөлийн 2017 оны 10 дугаар тогтоолоор баталсан “Үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх арга хэмжээний зардлыг санхүүжүүлэх журам”, Эрүүл мэнд, нийгмийн даатгалын ерөнхий газрын даргын 2017 оны 09 дүгээр сарын 07-ны өдрийн А/135 дугаар тушаалаар баталсан “Үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх, хөдөлмөрийн аюулгүй байдал, эрүүл ахуйн сургалт зохион байгуулах мэргэжлийн сургалтын байгууллагыг сонгон шалгаруулах журам”-ыг тус тус үндэслэн үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх, хөдөлмөрийн аюулгүй байдал, эрүүл ахуйн сургалт зохион байгуулах сургалтын байгууллагын сонгон шалгаруулалтыг зарлаж байна.
Сургалтын байгууллага нь Хөдөлмөрийн аюулгүй байдал, эрүүл ахуйн чиглэлээр ажил олгогч, даатгуулагч, иргэдэд үйлдвэрлэлийн ослоос урьдчилан сэргийлэх, ажлын байран дахь хөдөлмөрийн аюулгүй ажиллагааны талаар сургалт зохион байгуулах чиг үүрэгтэй ажиллана.
Сонгон шалгаруулалтын дугаар: СБСШ - 01/2017
Сургалтын байгууллагад тавигдах шаардлага:

Хөдөлмөрийн сайдын 2016 оны А/33 дугаар тушаалаар баталсан “Хөдөлмөрийн аюулгүй байдал, эрүүл ахуйн сургалт зохион байгуулах, шалгалт авах журам”-ын 2.1-д заасан шаардлагыг хангасан байх;
Сүүлийн 2 жилийн хугацаанд сургалтын үйл ажиллагаа тогтмол явуулсан байх;
Нийгмийн даатгалд шимтгэл төлөгчөөр бүртгэгдсэн, ажилтнуудаа бүрэн хамруулсан, нийгмийн даатгалын шимтгэлийн өр, төлбөргүй байх;
Сүүлийн 3 жилд Мэргэжлийн хяналтын болон холбогдох байгууллагуудаас хийсэн хяналт шалгалтаар зөрчил дутагдал гаргаагүй байх, гаргасан тохиолдолд зөрчил дутагдлыг арилгаж, актаар тогтоосон төлбөрийг хугацаанд нь бүрэн барагдуулсан байх;
Хөдөлмөрийн аюулгүй байдал, эрүүл мэндийн төвд Хөдөлмөрийн аюулгүй байдал, эрүүл ахуйн сургалтын мэдээ, тайланг тогтоосон хугацаанд гаргаж, хүргүүлсэн байх;
Сургалтад оролцогчдоос сэтгэл ханамжийн судалгаа авч дүгнэн үйл ажиллагаандаа хэрэгжүүлэн ажилласан байх.
Сүүлийн 2 жилд Эрүүл, мэнд, нийгмийн даатгалын хэлтэстэй гэрээ байгуулан сургалт зохион байгуулсан бол тухайн хэлстийн сургалтын үр дүнг үнэлсэн үнэлгээ, дүгнэлт зэрэг болно.

Жич: Сургалт зохион байгуулах эрхийн гэрчилгээний хугацаа дууссан бөгөөд гэрчилгээгээ сунгуулах хүсэлтээ шалгаруулалт явуулахаас 30 хоногийн өмнө гаргаагүй тохиолдолд сонгон шалгаруулалтад оруулахгүй болно.
Сургалтыг бүсчлэн явуулах бөгөөд сургалтын байгууллагууд бүсээс сонгон саналаа ирүүлнэ үү:
I бүс           Дорнод аймаг                                                YI бүс             Булган аймаг
                        Хэнтий аймаг                                                             Хөвсгөл аймаг
                        Сүхбаатар аймаг                                                      Ховд аймаг
     II бүс          Өмнөговь аймаг                                YII бүс            Дархан-Уул аймаг
                        Дорноговь аймаг                                                       Орхон аймаг
                        Дундговь аймаг                                                         Сэлэнгэ аймаг
     III бүс         Говьсүмбэр аймаг                            YIII бүс           Багануур дүүрэг
                        Төв аймаг                                                                   Багахангай дүүрэг
                        Архангай аймаг                                                         Налайх дүүрэг
     IY бүс         Өвөрхангай аймаг                             IX бүс                        Баянзүрх дүүрэг
                        Баянхонгор аймаг                                                     Баянгол дүүрэг
                        Говь-Алтай аймаг                                                     Хан-Уул дүүрэг
     Y бүс          Баян-Өлгий аймаг                             X бүс              Сонгинохайрхан дүүрэг
Завхан аймаг                                                             Сүхбаатар дүүрэг
                        Увс аймаг                                                                   Чингэлтэй дүүрэг
Бүрдүүлэх баримт бичиг:

Сонгон шалгаруулалтад оролцох тухай хүсэлт;
Төрийн болон төрийн бус байгууллагын өмчийн хэлбэрийг тодорхойлсон баримт бичиг;
Хөдөлмөрийн аюулгүй байдал, эрүүл ахуйн сургалт зохион байгуулах эрхийн гэрчилгээний хуулбар;
Зориулалтын стандартын шаардлага хангасан өөрийн сургалтын анги танхимтайг нотлох үл хөдлөх хөрөнгийн бүртгэлийн гэрчилгээний хуулбар;
Зориулалтын стандартын шаардлага хангасан түрээсийн сургалтын анги танхим түрээсэлсэн түрээсийн гэрээний хуулбар;
Нийгмийн даатгалын шимтгэл төлөлтийн 2017 оны 08 дугаар сарын тайлан (НД№ 7, 8)-гийн хуулбар;
Аж ахуйн нэгжийн орлогын албан татварын болон Хувь хүний орлогын албан татварын 2017 оны 2 дугаар улирлын тайлангийн хуулбар;
Хамтран ажилласан харьяалах Эрүүл мэнд, нийгмийн даатгалын хэлтсийн тодорхойлолт;
Сургалт зохион байгуулсан аймаг, дүүргийн Мэргэжлийн хяналтын болон холбогдох байгууллагуудаас хийсэн хяналт шалгалтаар зөрчил дутагдал гараагүй талаарх тодорхойлолт;
Өмнөх онд зохион байгуулсан сургалтын сэдвийн жагсаалт, товч тайлан;
Өмнөх онд зохион байгуулсан сургалтад оролцогчдоос авсан сэтгэл ханамжийн судалгаа, түүнд хийсэн дүгнэлт;
Хөдөлмөрийн аюулгүй байдал эрүүл мэндийн төвөөс тухайн сургалтын байгууллагыг сонгон шалгаруулалтад оролцуулахыг дэмжсэн тодорхойлолт; Хөдөлмөрийн аюулгүй байдал, эрүүл ахуйн сургалт зохион байгуулах үлгэрчилсэн хөтөлбөрийг үндэс болгон тухайн ажил мэргэжлийн аюулгүй ажиллагааны онцлогийг тусгасан сургалтын төлөвлөгөө, түүний гүйцэтгэл;
Үйл ажиллагааны дэлгэрэнгүй танилцуулга. (байгууллагын үйл ажиллагаатай холбогдолтой мэдээлэл, фото зураг, сүүлийн 2 жилийн сургалтын үйл ажиллагааны талаарх тайланг хавсаргах) зэрэг болно.

Баримт бичиг хүлээн авах эцсийн хугацаа: Сонгон шалгаруулалтад оролцогчдын баримт бичгийг 2017 оны 10 дугаар сарын 09-ний өдрийн 17 цаг 30 минут хүртэл.
Баримт бичгийг ирүүлэх хаяг, хүлээн авах албан тушаалтан: Эрүүл мэнд, нийгмийн даатгалын ерөнхий газрын 3 давхар 302 тоот өрөө болон Хөдөлмөрийн аюулгүй байдал, эрүүл мэндийн төвийн хөдөлмөрийн нөхцөлийн лабораторийн 01 тоот өрөөнд Ажлын хэсгийн нарийн бичгийн дарга нар хүлээн авна.
Тендер нээх хугацаа: 2017 оны 10 дугаар сарын 11-ний өдрийн 09 цаг 00 минутад Эрүүл мэнд, нийгмийн даатгалын ерөнхий газрын 405 тоотод нээнэ.
Жич: Сургалтын байгууллагын сонгон шалгаруулах журмыг ndaatgal.mn, habemt.gov.mn сайтнаас татаж авах боломжтой.

Эрүүл мэнд, нийгмийн даатгалын ерөнхий газар,
Хөдөлмөрийн аюулгүй байдал, эрүүл мэндийн төв
Холбоо барих утас: 11-328030 (302), 99850240

Сонгон шалгаруулалтын урилга /СБСШ-01/2017/

Та энэ мэдээнд ямар үнэлгээ өгөх вэ?

Урологийн дурангийн МЭС ЗАСЛЫН хоёр дахь шатыг ГАДААД, ДОТООДЫН эмч нар хамтран хийж байна

ФОТО: Улаанбаатар Смарт карт ХХК-аас нийтийн тээврийн ШИЛДЭГ ЖОЛООЧ нарыг шалгарууллаа

Урологийн дурангийн МЭС ЗАСЛЫН хоёр дахь шатыг ГАДААД, ДОТООДЫН эмч нар хамтран хийж байна

Репортлов

Шинэ мэдээ