ХӨГЖЛИЙН БАНК: НЭЭЛТТЭЙ ажлын байранд урьж байна

Жавзмаа

Монгол Улсын Хөгжлийн банкны зорилго нь Монгол Улсын эдийн засгийн хөгжлийг түргэтгэх томоохон төслүүдэд оновчтой хөрөнгө оруулалт хийснээр эдийн засгийн өсөлтийг дэмжих, хөгжлийг хурдасгах, улмаар Монгол Улсын олон улсад өрсөлдөх чадавхийг сайжруулах явдал юм.

Эх орныхоо ирээдүйн хөгжил дэвшилд бодит хувь нэмрээ оруулах хүсэл, зорилго бүхий чадварлаг боловсон хүчин таныг Монгол Улсын Хөгжлийн банкны Зээлийн мэргэжилтний ажлын байранд ажиллахыг урьж байна.

Зээлийн мэргэжилтэн

Гүйцэтгэх чиг үүрэг: Зээлийн хүсэлтийн дагуу зээлийн судалгаа шинжилгээг мэргэжлийн түвшинд гүйцэтгэх, хариуцсан зээлийн багцын эрсдэлийг хамгийн бага түвшинд байлгах зарчмыг баримтлан зүй зохистой удирдаж, банкны ашигт ажиллагааг нэмэгдүүлэх.

Ажлын байранд тавигдах шаардлага:

Банк санхүү, эдийн засагч мэргэжилтэй, мэргэжлээрээ банк санхүүгийн байгууллагад 2-оос доошгүй жил ажилласан байх;
Төслийн болон байгууллагын зээлийн судалгаа хийж байсан туршлагатай;
Мөнгөн урсгалын шинжилгээ хийх чадвартай;
Англи хэлний ярианы болон бичгийн өндөр чадвартай;
Компьютерийн хэрэглээний програмуудыг бүрэн эзэмшсэн байх;

Бүрдүүлэх баримт бичиг:

Төрийн албан хаагчийн анкет болон CV
Цээж зураг /4х6см хэмжээтэй, 2 хувь/
Боловсролын диплом, хавсралтын хамт /нотариатаар баталгаажуулсан хуулбар/
Иргэний үнэмлэх /хуулбар/
Ажилд орохыг хүссэн өргөдөл
Оршин суугаа хорооны тодорхойлолт

Та манай байгууллагад ажиллах сонирхолтой бол холбогдох бичиг баримтаа Монгол Улсын Хөгжлийн банкны байранд өөрийн биеэр авчирч өгнө үү.

Анкет, материалыг 2018 оны 4 дүгээр сарын 27-ны өдрийн 17:30 цаг хүртэл хүлээн авах ба эхний шалгаруулалтанд тэнцсэн өргөдөл гаргагчтай холбоо барина. Бичиг баримт буцаан олгохгүй.

Манай хаяг: Улаанбаатар хот, Сүхбаатар дүүрэг, 1-р хороо, 13 дугаар хороолол Энхтайвны өргөн чөлөө-19 байр, 11, 12 дугаар давхар

Холбоо барих: b.zolboo@dbm.mn

Утас: (976)-11-7013-0516 /554/

Факс: (976)-11-7013-0602